حبايبى الديابيانز صباح الخير
*******************
اليكم تفاصيل ما قبل وأثناء وما بعد الحفل كمان
الـــــســـاعـــة 4 عصرا
*******************
الوصول الى ماربنا بوابة 5
الجو هادئ جدا
كالهدوء الذى يسبق العاصفة
عمرو دياب فى كل مكان
معلقة بوستراتة فى كل مارينا
العمل على قدم وساق من أجل تحضير المسرح الرائع ليستقبل الحفل
والتذاكر على الرغم من بيع عشرات الالاف منها
لازالت متوافرة للجميع حتى قبل بداية الحفل بنصف ساعة كان لسة فيه تذاكر
الســـاعـــة 8 مساءا*******************تفتح الابواب للجمهور للدخول
وأكيد احب أشيد بالتنظيم الرائع للحفلة
من حيث الدخول والخروج
بس المواعيد طبعا اتغيرت خالص عن اللى موجود فى الاعلان
الســــاعة 11 مــــســـاءا*********************يصل الاسطورة اللى خشبة المسرح
لتهتز مارينا كلهااا
أعداد غير طبيعية فى لقاء لم يتكرر من 4 سنوات كما قال عمرو
تفاصيل الحفل نفسه
عمرو غنى الالبوم الجديد كــــلــــه ماعدا وفهمت عنيك
وغنى لاول مرة أجزاء من أغانى قديمة
عشان مدحت العدل ومجدى النجار كان عمرو عازمهم
فحب يعمل واجب معاهم لحسن حظنا وغنى أغانى عملوهالوا من زمان
أيضا عمرو قال ان أيمن بهجت قمر و بهاء الدين محمد و كل فريق عمل الالبوم موجودين فى الحفلة
محمد يحيي وحسام حبيب طلعوا قبل عمرو والجمهور هراهم تشجيع
كريم نور عمرو قال عارفين صورة البوستر وانا قالع
اهو اللى عمالها كريم نور وقدمة للجمهور
والجمهور قعد يقول شاطر .... يا كريم
جمهور كتير حدفوا لعمرو السلسلة بتاعت البوستر
وعمرو قال مش ديه السلسلة بتاعتى جبتوها منين
وحدفلهم السلاسل تانى
عمرو قعد لحد الساعة 1:30 صباحا أى الحفلة استمرت لمدة ساعتين ونصف بالتمام والكمال
عمرو كان فى المووود قوى ومزاجه عالى جداااا وكان زينا مش عايز يمشى
عمرو كان حينهى الحفلة مرتين لكن الجمهور خلاة يستى ويكمل وغنى انت الغالى ونقول ايه
الليلادى اتغنت 3 مرات فى الحفلة ونقول ايه مرتين
الجمهور قعد يقول خمسة خمسة لحد ما عمر غنى رصيف نمرة خمسة
من تانى أغنية فى الحفلة والجمهور قعد يطلب خليك معايا لحد ما عمرو غناها
عمرو قال فى أغانى بتبقى قريبا ليا قوى و لما بلعب جيم الاغنية لازم اسمعها اكتر من مرة وحابب أغنيهالكم وغنى (( حكايات )) وفعلا كانت أحلى اداء لعمرو فى الحفلة هى والليلادى
فى واحد من الجمهور فلت من الجاردات وراح جارى على عمرو والواد كان حينهار نفسيا من كتر الفرحة وعمرو طلب من الجاردات يسيبوه بعد كدة
عمرو غير التيشيرت بتاعة فى وسط الحفل هو بدأ بتيشرت زيتى وبنطلون جينز ازرق
ولبس بعد كدة بودى أسود وكوفية سودا كمان
عدد الجمهور مش ممكن أقدر احسبة أو اوصفه حاجة من الخيال
أعداااد مهولة جاءت لتحتفل مع عمرو بالالبوم الجديد
واستاذ احمد زغلول دخل قبل عمرو طلع كل المصورين حتى بتوع الشاشات العملاقة
والشاشات العملاقة فضلت تعيد الكليب طول الحفلة ومازاعتش اى حاجة
يا رب تكون الاخبار عجبتكم وتحياتى للجميع 
موضوع: Full Report On Amr Diab's Marina Concert (2007), تقرير كامل 
الأحد سبتمبر 02, 2007 2:17 pm