Admin
Admin
عدد الرسائل : 1847
تاريخ التسجيل : 29/08/2007
 |  موضوع: مكالمة من تامر حسنى, مش مصدق نفسى  الأحد سبتمبر 02, 2007 6:14 pm | |
| ღ♥ღ طبعا أنا مش هاقدر اوصفلكو أحساسى
أكيد كلكو حاسين بيا و عارفين أنا شعورى اية دلوقتى
دة تامر حسنى يا جماعة
يعنى المية والهوا بالنسبة لمصطفى
ندخل فى المكالمة بقى
انا كت فى مطعم مناقيش مع رامىالأدارة و رومير أخو تامر
كنا بناخد DATA من لاب توب تامر عشان نظبطها فى Lovers والموقع الجديد
King Of Generation
موبايلى رن من نمرة مميزة أوى
ورومير كان مشغول ع اللاب توب
فانا بصيت لرامى و قلتلة أنا حاسس ان دة تامر حسنى
والله دة اللى حصل
المهم المكان كان زحمة أوى و ماكتش سامع كويس
وأصلا كنا مشغولين بنقل الData
فتحت المكالمة وقلت الو سمعت حد بيقولى الو ازايك يا مصطفى
قلتلة انت مين , مين معايا
رد عليا بس انا ماسمعتوش
قلتلة معلش انا مش سامعك كويس 4 مرات والله
لحد ما زعق جامد قال أنا تاااااااااااااااامر حسنى
أنا شعرى وقف
ماصدقتش نفسى
قلتلة حبيبى يا تامر ثانية واحدة وابقى معاك
خدت التليفون وطلعت برة المطعم
وقلتلة معلش انا ماكتش سامعك كويس
قالى حبيبى يا مصطفى
قلتلة أحلى مفاجأة جاتلى فى حياتى
وحشتنى يا تيمور ووحشتنا كلنا
الكل بيسأل عليك
نفسنا نسمع صوتك , نتطمن عليك
لو نقدر نساعدك او نعمل اى حاجة
هتلاقى مليون واحد فى خدمتك
قالى أنا متصل أتطمت عليكو وع الرابطة
ما تتصوروش فرحتى بيكو أد اية
اخواتى و حبايبى اللى ما نسيونيش
قلتلة يا تامر انا بيجيلى تليفونات من الكويت و السعودية وقطر
وبلاد كتير أوى
عشان ناس عايزة توصلك كلام اغانيها او ناس عايزة تكلمك
واناس عايزة تطمن عليك وناس فاكراك قاعد معايا وبيبقوا عايزين يكلموك
قالى انا عايز اعرف الناس اللى بتحبنى فاكرنى ولا لا
قلتلة فاكرينك
تامر الموقع بيزورة يوميا من 2500 ل 3000 عضو وزائر
عشان تامر حسنى
اللقائات اللى احنا بنعملها دى ونطلع فيها سواء جرايد او فضائيات
دى بسببك انت
بسبب اننا ورا أسم كبير أوى اسمة تامر حسنى
عمرنا ما نسيناك وانت دايما عايش بيننا
سكت شوية كدة.....
قالى انت عارف فى كتير اوى اعداء للنجاح
اوعوا تصدقوا حاجة عليا
اللى حصلى دة بينلى حاجات كتيرة اوى
وانا اتعلمت منة واستفدت كتير
والحمد لله راجع أقوى من الأول
طول مانتو معايا ووراكو بتشجيعكو وحبكو ليا
الفترة دى عرفتنى مين صحابى بجد و مين اللى اتنكرولى
مين اللى ورايا وبيحبونى و سالوا عليا و مانسونيش
ومين اللى اتخلوا عنى
قلتلة يا تامر احنا مش عايزين منك تفسير عن أى حاجة
ثقتنا فيك أكبر من أى حاجة و أعظم من أى كلام ممكن يتقال
فى ناس بتعتبرك اخوها او حبيبها او قريبها
والى انا عايز اتكلم معاهم بس ظروف الجيش وفترة التجنيد اللى انا فيها دى
قلتلة انا أوصل كل كلة عايز تقلوهالم يا تامر
قالى الدين الدين الدين
لما تبقوا قاعدين ع الموقع او فى الشات والأدان أدن تقوموا تصلوا بعدين ترجعوا
بعدين قالى عايزك تعمل فى المنتدى لما الأدان يدن , ينبة الناس
قلتلة حاضر يا تامر
بس انت عارف لو الأدان بصوتك
ماتتصورش فرحتنا هتبقى عاملة ازاى
قالى الكلام دة فى دماغى والله
وان شاء الله قريب اوى هاعمل الأدان بصوتى و ابعتهولكو
وقلتلة يا تيمور كلة بيسمع كلامك و بيحبك و بيحترمك
قالى ربنا يخليكو ليا يا رب
وقالى على شوية حاجات
SECRET
مش هاينفع اقولها
بس هتشوفوها بنفسكو ع الرابطة قريب اوى بأذن الله
وقلتلة خلى بالك من نفسك يا تيمور
احنا معندناش غير تامر حسنى واحد بس فى مصر
قالى وانا اكتر واحد باحبكو وكلكو واحشنى ونفسى تدعولى
لا الة الا الله
محمد رسول الله
وخلصت المكالمة
وياريت ماحدش يحسد ولا يقر لحسن ما يتصلش تانى
ولا موبايلى يتسرق ولا حاجة وماعرفش أوصلة
عايزكو تعرفوا اد اية الأنسان دة بسيط و متواضيع و بيخاف علينا
وعايزينا نهتم بالصلاة والدين قبل أى حاجة
أنا مش هاتكلم اكتر من كدة
بس هاسيبلكو انتو الكلام
والتوبيك دة بالذات اول توبيك هاورية لتامر ان شاء الله
لما ينورنا فى رابطة عشاقة
هاوريهولة بكل ردودة و مشاركاتكو
ღ♥ღ معاكو الميك يا تيمورية
منقول من الرابطه عن طريق مصطفى
و يا دوب لقيت الخبر ده على الرابطه
قولت لازم يوصل لحبايبى يا رب مش يكون مكرر
_________________
بحبه مووووووووووت
بعشقه مقدرش استغنى عنه
بحبك و الله بحبه
حد يقوله انى بحبه
تامر خرج هينور سمانا تانى
بحببببببببببببببببك
يياااااااااااا
تااااااااااااااااااااااامر | |
|
