Admin
Admin
عدد الرسائل : 1847
تاريخ التسجيل : 29/08/2007
 |  موضوع: حتي انت يابتاع الفلافل؟؟؟؟؟؟؟؟؟؟؟؟, هام لكل فؤادي اصيل  الأحد سبتمبر 02, 2007 6:26 pm | |
| من يومين رحت اشتري فلافل وانا واقف عند الراجل الموبايل بتاعي رن انا حاطط نغمة خليك علي راحتك لمحمد فؤاد فبعد ماتكلمت لقيته بيقولي انا كنت بحب محمد فؤاد وطول عمري بسمعله بس دلوقتي انا كرهته قلتله ليه ياعم ؟؟؟؟؟؟
قالي ياعم بقاله سنتين عمال بينزل اغاني فاشله كده وصوته بقي يقرف مش ده فؤاد بتاع زمان مش ده فؤاد بتاع حيران ودمعتين
فقلتله وضحلي ياباشا ايه الاغاني الي مش عجباك دي فقالي انه عندي في البيت جهاز اوديو وفيه واحد جايبله اسطوانه لمحمد فؤاد علي اساس انه ده الشريط الجديد وطبعا الشريط كله مافيهوش اغنيه واحده لفؤاد من خلال اسماء الاغاني الي بيقولي عليها
اول ماقولتله ان ده مش فؤاد بصلي باستغراب ووقع طعميتين عالارض وقالي ازاي ياعم انت هتشتغلني؟؟؟؟؟؟؟؟؟؟؟؟؟؟؟؟
قلتله وانت عمرك ماكنت بتحب فؤاد لانط لو بتحبه كنت هتقدر تميز الاحساس قالي والله فعلا الصوت متغير انا فكرت انه فؤاد صوته بقي وحش لانه فيه اشاعة بتقول ان فؤاد بقي بيشرب سجاير وصوته بقي وحش؟؟؟؟؟؟؟؟؟؟؟؟؟؟؟؟؟؟؟
انا ضحكت وقولتله .......
بص ياباشا دلوقتي فيه حاجه اسمها تكنولوجيا وفيه حاجه اسمها انه فيه ناس داميا بتحارب النجوم الكبار وتطلع اشاعات عليهم وتحاول تقلدهم والسي دي الي عندك ده عبارة عن واحد استغل التكنولوجيا والادوات الموسيقيه الحديثة من خلال تغيير الصوت وراح مقلد عمك فؤاد والناس الي زي حالاتك بقي الي مش مواكبين التكنولوجيا بصلي كده رحت قايله انا مش بغلط فيك ياباشا انا لا ده الواقع
قالي ياعني السي دي الي عندي ده كله مش فؤاد وواحد بيقلده بالتكنولوجيا بتاعتك دي قلتله ايوة ياعم وفؤاد طول عمره كبير ومش بيغني اي حاجه فؤاد نجم وصاحب احساس عالي وفن متميز جدااااااااااااااااااااااااااااااااااااااااا ومستحيل حد يقدر يقلد احساس وصوت فؤاد واسمحلي اقولك انك انخدعت
قالي طب والنبي ياهيما ايه اخر اغاني لفؤاد والشريط الجديد نازل امته قلتله اخر اغاني لفؤاد الي هيا في الفيلم الجديد (اغنية بيت الحبايب وماتيجي نعمل كده واغنية محتار انا(
قالي والنبي ياهيما اعملهوملي علي اسطوانة وحطلي كام اغنية عليهم من القدام الحلوين دول قولتله من عنيا ياباشا وخدت الفلافل ومشيت وروحت البيت لقيتها بردة وماتتكلش
المهم ايه الفايدة من الموضوع ده؟؟؟؟؟؟؟؟؟؟
وليه انا بقول الكلام ده؟؟؟؟؟؟؟؟
ياجماعة احنا كفؤادية رسالتنا انا نبلغ كل الناس ان فؤاد نجم كبيييييييييييييييير واحساسه غير طبيعي لازم نفهم الناس ان مش اي حد يغني يبقي فؤاد فيه ناس كتير غلبانه ماعندههاش الكمبيوتر والنت في البيت عشان تعرف الكلام ده في ناس فعلا كرهت فؤاد بسبب الحاقدين عليه لازم نفهم الناس دي مين هوا فؤاد لازم لما تركب عربية او تسمع اي حد بيقلد فؤاد في اي حته تتكلم وتفهمهم مين هوا فؤاد الحقيقي
ياريت يكون كلامي وصل
--------------------
 | |
|
