أحمد رجب (( قولتي نبعد ))

أحمد رجب (( قولتي نبعد ))

قربتي مني تاني .. مع إنك قولتي نبعد ..

احساس من جوا قلبي .. بيقولي بلاش تصدق ..

جايالي بتوعديني .. وعايزاني برضه أوعد ..

وأنا خايف أحب تاني .. وأتعلق بيكي وأغرق ..

يعني شوقك اللي جابك .؟ والا خايفة يقولوا سابك ؟

والا شايفة كتير عليا أعيش حياة من غير آلام .. ؟؟

لاء كفاية أنا مش هعيش .. أدي عمري عشان مافيش ..

اللي كان عايش ما بينا .. كان خداع ماسموش غرام ..

سبتيني لوحدي أفكر .. في حاجة عملتها ..

في غلطة غلطها قلبي .. أو كلمة أنا قولتها ..

حسيت إن اللي بينا .. حاجه وراح وقتها ..

مهما تقولي وتعيدي .. دا موضوع وانتهى ..