حازم امام وجمال حمزة

الان وبعد ان هدأت العاصفة عايز كل واحد بس يركز ويشوف ان ومن وجهة نظري التي تحتمل الصواب والخطأ انا شايف ان لعيب زي جمال حمزة واحد من اسباب انكسارات الزمالك مش حازم امام مع اعترافي الكامل ان حازم خلاص عمره الافتراضي انتهي كلاعب لكن مايصحش ان ينتهي تاريخه مع الزمالك بالنهاية السيئة دي علي الاقل لازم نفتكر حسناته مع الزمالك الراجل يوم ما رجع من الاحتراف ما ساومش النادي واتعرض لضغوط من الاهلوية وعمره مافكر يلعب بالزمالك ولا يبيعه وعمل بطولات مع النادي ومع المنتخب فمايصحش ابدا ان احنا نتعامل معاه بالطريقة المهينة دي اللي خلت الصحافة الاهلوية تصطاد في المية العكرة وتوجه رسالة لاي لاعب عايز يروح الزمالك ان جمهور الزمالك بيعمل كده مع حازم يبقي حيعمل معاكم ايه ؟
انا من وجهة نظري ان حازم ادي للزمالك كتير وان كان حان وقت اعتزاله الا انه يجب ان يكون التكريم لائقا .
اما الاخ جمال حمزة فرغم موهبته الا انه لحد دلوقتي ما اعطاش للزمالك حاجة رغم اللي خده من الزمالك فلوس اخد زي ماهو عايز رغم التمرد والتهديد باللعب للاهلي ورغم كده ماعملش حاجة للزمالك وبيلعب من غير روح ولا غيرة والله انا في ماتش الاسماعيلي كان فيه كرة وصلته وكان معاه باك واحد من الاسماعيلي راح واخد الكرة وراجع لورا وقعد يشاور ان ما معهوش حد من زمايله بدل ما يحاول يدخل بالكرة لمنطقة الجزاء وحسيت ان مافيهوش روح ولا غيرة .
ان ما باهجموش بس حاسس انه حيرجعنا لعصر المعلمين اللي ودا الزمالك زمان في داهية علشان كده انا شايف ان الولد ده لو لعب بذمة وروح زي شيكابالا ماحدش حيقف قدام الزمالك وياريت يدي ربع اللي اداه حازم للزمالك ؟