ايها الديابيين لا تجعلوا لعمرو منافس من فراغ بايديكم انتم ول

اولا يا ريت يا ريت الاداره تقرا التوبيك كويس وتفهم وجهه نظري
ده في حاله انهم هيقفلوه مثلا

انا من الاخر عايز اعمل توبيك كبير فيه كل اللي جوه كل واحد فينا بكل امانه علشان منفضلش ندي للناس اكبر من حجمها طول عمرنا لاني شايف ان الموضوع بيكبر يوم ورا يوم

في نفس الوقت اللي ههجام فيه الديابيين انهم بيتكلموا عن تامر حسني هبقي بعمل التوبيك ده عن تامر حسني
وده مش تناقض لكن هي اعتبروها اخر كلام عندنا عن تامر حسني بعده يا ريت نعرف مين عمرو دياب بجد وايه اللي احنا عملناه معاه وغلطتنا في حقه

انا مبكتبش التوبيك ومطلع نفسي من كل اللي هقوله لكن انا بكتب لنفسبي وللكل

ابدا الموضوع

ملاحظ حاجات غريبه بتحص اليومين دول
ناس كتير هنا في الموقع تلاقي في ردودها في التوبيكات
ايوه يلا يا عمرو اعمل الاغنيه الفلانيه علشان تامر يتعلم الادب

تمام يا ريت عمرو يتعامل مع الملحن الفلاني علشان بدوي يعرف قيمته

والغريب ان الموضوع بيكبر وبيوصل لناس كبيره اوي في الموقع وناس ليها تقلها وعيب انهم يحطوا اسم عمرو جنب اسم تامر

هقولكم حصل كده ليه
90 % من المشتركين في مواقع عمرو
مشتركين في مواقع تامر

مواقع تامر حسني وصل عدد اعضائها ل60 الف فرد منهم علي الاقل20 الف عاشق لعمرو دياب داخل يدافع عن عمرو هناك

هما طول اليوم ليل نهاري من ساعه ما الموقع فتح وكان لازم تخش تلاقي اسم عمرو دياب منور الموقع وشتايم وغلط في حق عمرو وجمهوره
غير المقارنات الساذجه اللي بدوا يعملوها بين عمرو وبين تامر وكان تامر حسني بقي بينافس عمرو دياب بجد

فزي اي واحد ديابي كلنا دخلنا اشتركنا قولنالهم انتم مش عارفين مين عمرو دياب
عمرو ده اسطوره عمرو عمل وعمل وعمل وعمل الخ الخ الخ

جميل جدا
هما يشتموا واحنا ندافع
هما يقارنوا تامر بعمرو واحنا نقولهم مين عمرو

لغايه ما قدروا يقنعوا ناس كتير ان المناسفه دلوقتي بجد انحصرت بين عمرو دياب وتامر حسني

وبدل ما كنا بنقول عمرو ولا فؤاد او عمرو ولا راغب او عمرو ولا كاظم
بقينا بنسمع كلمه عمرو ولا تامر

وبقي تامر في عرف السوق هو المنافس الاول لعمرو دياب
تامر حسني اللي البومه كله بيبقي مقسوم بقي المنافس لعمرو دياب ودايما تلاقي عمرو الاول في اي استفتاء بعده تامر حسني

طيب مين السبب في ده
السبب هو جمهور عمرو دياب اللي جادل الناس دي في كلامها وهجومها علي عمرو لغايه ما بقي عمرو وتامر زي الاهلي والزمالك

يعني ايه يعني عايزني الاقي واحد بيشتم عمرو واسكتله ؟
لا يا عم طبعا امال بتحب عمرو ازاي
بالعكس لازم تدافع عن عمرو لكن بالدليب ومش بالكلام
للاسف فضلنا نتكلم ونتلكم من ساعه ما بدات الحوارات دي حتي يومنا هذا

اكاد احلف ان عمرو دياب ميعرفش ان فيه ناس بتقول عمرو ولا تامر غير بعد الغلطه اللي اتعملت في حفله مارينل لما جمهوره قال اتعلم يا تامر
كده حسستوا الراجل ان بقي فيه مناسفه بينه وبين تامر
عمرو اكيد عارف ان تامر بيغلط فيه وبيشتمه وبيقول وبيعيد عليه

ومقصدش الصحافه لكن في جلسات اصحابه او المحلنين او الموزعين وعارف ان دلوقتي فيه حزب تامر عامله لنفسه فيه كذا ملحن وموزع وكاتب وصحفي للهجوم علي عمرو دياب ولتعليه تامر وتكبيره

عمرو مش ابن امبارح عمرو بقاله 25 سنه بيغني وعارف كل اللي بيتقال وكل اللي بيتعمله من وراه
لكن الراجل مركز في شغله وبس ومش فاضي يرد ويتكلم عن حد

يا جماعه بلاش كلامنا يدي لحد اكبر من حجمه وبلاش كلامنا يخلي ناس تفكر بجد ان بقي فيه مناسفه بين عمرو وتامر

انا بكلم واحد خليجي بيقولي عمرو ولا تامر
قلتله ازاي يا ابني تقول كده

قالي والله انا بدخل موقع عمرو وبلاقي ناس بتقول كده مع اني غير مقتنع بفن تامر
ده الي احنا عملناه

واحد هيقولي يعني انت مبتشوفش اللي بيحصل في موقع تامر حسني واللي بيتقال عن عمرو ؟
لا بشوف
وعارف ان موقع تامر حسني وادارته هم اكبر كارهين لعمرو دياب

طيب يا ابني انت بتشوف بيقولوا ايه عن عمرو ؟

ربنا ادانا العقل نفكر بيه ونعرف ان اللي بيتكلم ده بيفهم ولا مبيفهمش

يعني لما تخش تلاقي واحد داخل يقولك عمرو راحت عليه
طيب يا عم راحت عليه ازاي؟
يقولك كده لطجه

طيب يا عم فيه واحد راحت عليه بيعمل البومات زي دي
فيه حد راحت عليه بيعمل حفله ب100 جنيه وصلت تذكرتها ل400 جنيه في مارينا وبيحضرها 50 الف واحد
فيه واحد راحت عليه مينفعش تمشي نص ساعه في الشارع متسمعش صوته في عربيه او في بيت او في محل

يا جماعه لو حد فيكم ليه اخ كبير يساله من امتي عمرو بيتقال عليه الكلمه دي
من بعد البوم ويلوموني
وبعد ويلوموني جه عودوني ونور العين وتملي وقمرين واكتر واحد وعلم قلبي وكمل كلامك وليلي نهاري والليلادي ولسه الجاي كتير ان شاء الله

عمرو متعود علي الكلام اللي بالطريقه دي وبيرد بفنه وبس

الكلام يا جماعه سهل وكتير بس ايه بيجرا بعده
في الهوا اوام يطير يبقي كله زي بعضه

هو ده كلام عمرو وده الصح

دافع عن عمرو زي متحب
لككن متدخلش عمرو ابدا في مقارنه مع واحد معملش اغنيه واحده فيها مزيكا جديده وواحد مدخلش شيء جديد للاغنيه العربيه

تامر مطرب كويس زيه زي جيله زي حماقي زي سامو زين زي حسام حبيب زي عدويه
لكن عند عمرو واقف

مينفعش نصغر اسم عمرو دياب يا جماعه ونحطه في مقارنات حرام اسم عمرو يخشها اصلا لانه اعلي منها بمراحل
متحسسوش الناس ان احنا حاطين تامر في دماغنا
لان ده معناه بكل بساطه ان تامر بينافس عمرو

طيب هينافسه ازاي ؟
تامر حسني مبيعات البوماته مبتتعداش ال 150 الف نسخه
وعمرو مبيعات البوماته مبتقلش عن نص مليون نسخه في مصر بس

تامر بيعمل حفله بدعايه شهرين ب45 جنيه بس مبيحضرهاش غير 30 الف واحد في القاهره
وعمرو بيعمل حفله ب200 جنيه في مارينا بيروحها 50 الف واحد غير اللي معرفوش يخشوا

تامر حسني بيقدم البومه 13 اغنيه منهم 8 مقسوم وجمهوره بيفرح بيه
وعمرو بيدم 3 مقسوم جمهوره بيزعل منه

يا جماعه سيبكم من كلام الناس دي لانهم باي طريقه عايزين يحطوا اسم عمرو جنب اسم تامر لان ده فيه نجاح لتامر وبيوصل احساس للناس الصغيره الي في اعدادي وثانوي ان عمرو فعلا اللي بيناسفه تامر

هقولكم موقف حصل في موقع تامر حسني
كان حصلت خناقه كبيره بين الديابيين هناك الكتار جدااااااااااااااااااااااا وبين جمهور تامر لان عمرو اتشتم
لغايه ما الموضوع وصل لقله ادب وشتايم فالناس قالت لا كفايه كده

وقعدوا يومين ميجيبوش سيره عمرو
راح مشرف الموقع جايب كلام من هنا فيه شتيمه لتامر وفاتح توبيك وبيقول شوفوا جمهور عمرو بيقول علينا وعلي تامر ايه

هو ده اللي هما عايزينه وهو ده اللي تامر عايزه
عايز اسمه جنب اسم عمرو علي طول
حتي لو كل جمهورعمرو شتمه هو عارف ان ده بيدل علي نجاحه لان جمهور عمرو بحاله حاطه في دماغه

يا ريت التوبيك يتفهم قصدي ايه ولتكن معاهده بينا علي ان تامر اسمه يتحط في مكانه الطبيعي جدا جنب باقي جيله وميعديش المرحله دي ابدا