الانطباع الاول عن الالبوم

نقول إيه: يا جماعة بعد سماع الأغنية دي عشر مرّات كده لقيت إنها موسيقى الهاوس house التي سمعتها في شريط روبي مشيت ورا إحساسي وأغنية مالي بنفس الشريط. بصراحة الموسيقى بتاعة مشيت ورا إحساسي ونقول إيه ممكن يتعمل منها مكس جامد جدا. الآهة بتاعة عمرو في الأغنية دي خرافية. لا بجد لو فصلت الموسيقى عن الصوت حتنبهر بيها. تحس إنك بتسمع عمرو لأول مرة في حياتك. الآهة دي تنفع لـstart windows جدا. الأغنية في الأول استغربتها وبعدين عرفت إنها أقوى أغاني الألبوم إجماليا.

الأغاني قصيرة ليه كلها كده يا جماعة!؟.


الليلا دي: سيبك من الاقتباس من sway الاقتباس بيحصل في كل العالم. لكن الكلمات مرتبطة ببعض وجميلة. الموسيقى جديدة على عمرو وأضافت إليه.

الموزع حسن الشافعي ده جميل بشكل!.

طول ما أنا شايفك: طول ما أنا جنبي البيبسي..أنا مطمّن من نفسي!..مش أحسن كده!؟.

حكايات: الموسيقى إللي فيها ناااااااااااااااااار. موسيقى متماشية جدا مع هدوء الأغنية وكلماتها البسيطة.

إنت الغالي: الأغنية دي مواااااااااااااااال. عايزة قعدة وموضوع مخصوص وكلام كتير. إيه ده؟. إيه الطعامة دي؟. إيه الجمال ده؟. الكلام والموسيقى واللحن كله جباااااار. أنا قاعد بغلط في الكلام إللي بكتبه دلوقتي إملائيا من فرط الإثارة. بسمعها دلوقتي. تُحفة بصراحة وسأرجع ليها بالتأكيد..فيما بعد.

روحي مرتحالك: (من غير لا سلام..ولا حتى كلام..لقيت ف عينيك..كل الأحلام) غناها عمرو بروعة. الكلمات جميلة جدا وبسيطة سهلة الحفظ. الصفارة التي في الأغنية جميلة جدا وسهلة يمكن ترديدها.

قالتلي قول: حاجة قصصية كده زي تنسى واحدة في ألبوم ليلي نهاري. قصّة تحفة بصراحة واللحن شرقي وجميل وبسيط. عمرو زيّ ما يكون ف الأغنية دي بيحكيلنا ويفضفض.

ضحكت: رااااااااائعة. إيه الحلاوة دي يا عمّور؟. (ضحكت يعني قلبها مال. وخلاص الفرق ما بينا اتشال. يلا يا قلبي روحلها يلا. قولها كل إللي اتقال) كلمات غاية غاية ف الرّوعة لبهاء الدين محمد الشاعر الكبير. واللحن الرشيق السهل البسيط للهضبة. (في حد يستنى علادي. دي كفاية بس الضحكادي. شفت أهيه ضحكت تاني. يعني إللي شوفته مكانش خيال) أغنية بصراحة جميلة جدا وقمّة وعلامة من علامات مشوار عمرو دياب يا جماعة. بتفكّرني بزيّ الملايكة ف ألبوم راجعين.

خليك معايا: بتفكرني بخليك فاكرني. هادية وجميلة جدا. وجمهور عمرو كان مستني الأغنية دي بالذات لأن عمرو غناها أكتر من مرّة في حفلاته. بصراحة الأغنية عايزه تركيز شديد للكلام عنها لأنها بتاخدك لجو تاني خالص. عايزه قعدة كبيرة الأغنية دي.