كل حاجة عن حفلة الجامعة الكندية, كانك فى الحفلة

هاي يا جماعه


اكانت طبعا حفلة تامر في الجامعه الكنديه وكانت جامده موت وتامر كان زي العسل


اول حاجه عملوا لتامر عالشاشات زي reportage من كواليس الحفله والاستعدادات وكده وصوره وهو صغنون ومع عيلته و صور له من اخر فوتوسيشن ..


بعدين شفت تامر داخل زي الصاروخ بالهامر بتاعته ماشاء الله .. وشوية fireworks واضاءات جامده وكده وقام تامر طالع بأغنية انا ولا عارف


الكلام ده عالساعه 8 الا ربع كده ولا ايه مش فاكر


وشكر ال cic وقال انو صور فيها مشاهد في فيلم عمر و سلمى وكده وان شبابها جامدين .. وفي الاول كده حد اداله كوفيّه قام لابسها وكانت لايقه اوي عاللبس


ماعلينا غنى بقى انا ولا عارف اول حاجه بعدين اغاني كتيره


و جت بقى كل مره يالهوووووي عالهزار اللي تامر قالو و قال اللي نفسو آااه يسقف فكلو سقف فقام قال جيل تعبان و قعد يقول ايه معنى آااه بقى نيجي لمربط الفرس ياخواتي عالعسل قال يعني اجيلك بس المعني بقى اللي في بطن الشاعر

أجيلك برضه كان تحفه اوي و زغرطي يامو صلاح وكده


وولد كده من الطلبه باين ادا لتامر ورقه كاتب فيها اغنيه كده فتامر لحنله مطلعها كده الولد فرح اوي ان تامر غناها


بعدين قولي بحبك و قال طفول النور وطلعوا الموبايلات الاغبيه بتوع الاضاءه مطفوش النور


و طبعا مش هقولكوا على الكام بنت اللي بيطلعوا زي الصواريخ يعبطوا فيه كده وكل واحده بتلزق بغرا والامن يقعد يشدها وهي لاحول ولاقوة الا بالله مصرّه برضه


واللي غايظني بقى ان كل مابنت تطلع تحضه تقوله غنيلي وميحرمنيش منك وكل واحده عامله فيها مي عز الدين


ماعلينا غنى حرقة دم وانا صوتي راح في حرقة دم بتاعت البنات دي


والوحيده و بتغيب و فاتت علينا و اطلع من دول وانتي اللي عملتي وريح بالك وعيونه دار ولما بتكون بعيد وقرب حبيبي و اغنيتين مش فاكراهم انا اصلا كنت كل شويه هقع و ورايا ست كده ربنا يمسيها بالخير كانت بتمسكني عشان ما اقعش


وحيا الفرقه الموسيقيه و جلال فهمي وكل الناس .. وحيا وليد منصور ووليد شكر فيه وبتاع وتامر قال وليد يغنيلنا حاجه بس نستعيذ بالله قبل ما نسمعه


ووليد ما وافقش


وبعدين بقى مش فاكر

خلاص كفايا كده المهم كانت حفله جامده اوي